छाएको अति बहार
खुशी नविन वर्षमा
रहोस् सदा कामना
मिठो सबैको हर्षमा
बितेर गयो पुरानो
साल नविन आएर
प्रेमिल भाव
जागोस् मन खुशिको सयर ।
कामना शुभ
प्रत्येक पल छाओस हरमा
दरिद्र दुःख नहोस
कोही नेपाली घरमा
छाडेर राग रिसको
भाव प्रेममा रमुँला
मुस्कान मीठो
छरेर बसुँ नेपाली कहूँला ।
दिँदैछु शुभ
कामना यहाँ सबको खातिर
हाँसेर बाँचु
नलाने केही अन्त्यमा आखिर
स्वप्निल काया
बसन्त छाया भाव यो तल्लिन
बनोस् शुभ रहाेस्
शुभ साल यो नविन ॥