दिएर यहाँ अमूल्य काया देखायौ संसार
समाई हात खुवाई दूध मुसारी शिरमा
सकूँला तिर्न ऋणको भार जीवन भरमा ॥
उदर बीच बोकेर अहा गरेकी रचना
भावना ठूलो मनको बीच प्रकृति कल्पना
मायालु बोली नरम छाती वात्सल्य अपार
कसरी बिर्सुँ जननी आज देवत्व पियार ॥
रहर धेर राखेर थाति सुम्पियौ संसार
हुर्कायौ आमा धरामा हैन छातिमा च्यापेर
मुस्कान आहा स्वर्णिम वय रोजिनौ कन्चन
छुटाई गाँस सदैव आफ्ना खोलिनौ क्रन्दन ॥
गर्दछु पूजा हृदय बीच सजाई तस्विर
जननी तिमी सर्जक मेरी सृजना खातिर
नयन सदा ब्याकुल तिम्रा भेटुँ म जसरी
तिरौंला ऋण दूधको आमा लौन म कसरी !!
मातातिर्थ औंसी २०७७
No comments:
Post a Comment